Fotoclub Gherdëina

I fins

L Fotoclub Gherdëina fova unì metù su tl 1981 da n valgun jëuni che ova na gran pascion per la fotografia. L fin de chësta lia ie da for chël de ti jì ncontra a duc chëi che à nteres per la fotografia y de mëter a jì manifestazions y ativiteies per sustenì l svilup dla fotografia te Gherdëina te uni si forma.

Ativiteies

Per arjonjer chisc fins mët l Fotoclub Gherdëina a jì mostres de fotografia, cursc per fotoamatëures, sëires de proiezion, multivijions y jites fotografiches. Per i cumëmbri mët l Fotoclub Gherdëina a disposizion n studio fotografich cun la lumes da studio y njinies da mpersté ora. L Fotoclub Gherdëina lëura suvënz adum cun autra lies y nce cun privac pitan consulënzes y aiut ti lëures che à da n fé cun la fotografia. Nce lëures de documentazion toca pra la ativiteies de chësta lia. De gran mpurtanza per l Fotoclub ie l cuncors regiunel de fotografia numinà "Segra Sacun" che vën urganisà uni doi ani, bel dal 1981 nca. Ai cumëmbri ti vëniel pietà plates web cun galaries fotografiches che uniun po aministré nstës.

L cunsëi